សហព័ន្ធកីឡាប្រដាល់គុនខ្មែររុស្ស៊ីមកកម្ពុជា
នាថ្ងៃទី៤ ខែមិថុនា ឆ្នាំ២០២៥ គណៈប្រតិភូសហព័ន្ធកីឡាប្រដាល់គុនខ្មែររុស្ស៊ី ដឹកនាំដោយលោក Konstantin Artemov ជាអនុប្រធានសហព័ន្ធ បានចូលជួបសម្តែងការគួរសមជាមួយ ឯកឧត្តម វ៉ាត់ ចំរើន អគ្គលេខាធិការគណៈកម្មាធិការជាតិអូឡាំពិកកម្ពុជា និងជារដ្ឋលេខាធិការក្រសួងអប់រំ យុវជន និងកីឡានៃព្រះរាជាណាចក្រកម្ពុជា។ ភាគីទាំងពីរបានផ្លាស់ប្តូរយោបល់លើទស្សនវិស័យសម្រាប់ការអភិវឌ្ឍកីឡាប្រដាល់គុនខ្មែរនៅប្រទេសរុស្ស៊ី ក៏ដូចជាការចូលសហព័ន្ធគុនខ្មែររុស្ស៊ីជាសមាជិកសហព័ន្ធគុនខ្មែរអន្តរជាតិ។ ជាលទ្ធផលនៃកិច្ចប្រជុំនោះ អនុស្សរណៈនៃការយោគយល់គ្នាត្រូវបានចុះហត្ថលេខា។
នៅថ្ងៃទី៥ ខែមិថុនា ឆ្នាំ២០២៥ គណៈប្រតិភូនោះ ត្រូវបានទទួលដោយឯកឧត្តម អាណាតូលី បូរ៉ូវីក ឯកអគ្គរដ្ឋទូតរុស្ស៊ីប្រចាំកម្ពុជា។ ក្នុងអំឡុងពេលកិច្ចប្រជុំនោះ ឯកឧត្តមកឯកអគ្គរដ្ឋទូត និងតំណាងសហព័ន្ធកីឡាបានពិភាក្សាគ្នាអំពីវិធីនៃការធ្វើអោយកីឡាប្រដាល់គុនខ្មែរ មានប្រជាប្រិយភាពកាន់តែច្រើននៅរុស្ស៊ី។
